ప‌వ‌ర్ స్టార్ ప‌వ‌న్ క‌ళ్యాణ్ వ‌రుస సినిమాల‌ను ఒప్పుకోవ‌డంతో ఆయ‌న సినిమాల‌కు సంబంధించిన అప్‌డేట్స్ ఫ్యాన్స్ ఫుల్ ఖుషీ చేస్తున్నాయి. ఒక‌వైపు వ‌కీల్ సాబ్ షూటింగ్ జ‌రుగుతుండ‌గానే అయ్య‌ప్ప‌నుం కోషియుం సినిమా షూటింగ్ ప్రారంభ‌మైంది. రానాతో క‌లిసి మ‌ల్టీస్టార‌ర్‌గా ప‌వ‌న్ న‌టిస్తున్న ఈ సినిమాకు సాగ‌ర్ చంద్ర ద‌ర్శ‌క‌త్వం వ‌హిస్తున్నారు. ఇది ప‌వ‌న్ 26వ సినిమా. దీని త‌ర్వాత క్రిష్ జాగ‌ర్ల‌మూడి ద‌ర్శ‌క‌త్వంలో ప‌వ‌న్ క‌ళ్యాణ్ 27వ సినిమా ఉంటుంది.

ఇది పీరియాడిక‌ల్ మూవీ. ఇటువంటి సినిమాల‌ను తెర‌కెక్కించ‌డంలో ద‌ర్శ‌కుడు క్రిష్ దిట్ట‌గా చెప్పొచ్చు. దీంతో ఈ సినిమాపై ఇప్ప‌టి నుంచే మంచి అంచ‌నాలు ఉన్నాయి. ఈ సినిమాలో ప‌వ‌న్ క‌ళ్యాణ్ వ‌జ్రాల దొంగ‌గా క‌నిపించ‌నున్నాడ‌ని తెలుస్తోంది. ఇందుకు త‌గ్గ‌ట్లుగా ఈ సినిమాకు ఓం శివ‌మ్‌, విరూపాక్ష‌, గ‌జ‌దొంగ‌ వంటి టైటిళ్ల‌ను ప‌రిశీలించారు. చివ‌ర‌కు ఇప్పుడు హ‌రిహ‌ర వీర‌మ‌ల్లు అనే టైటిల్‌ని ఫైన‌ల్ చేశార‌ని తెలుస్తోంది.

కాగా, ఈ సినిమాలో ప‌వ‌న్‌కు జోడీగా నిధి అగ‌ర్వాల్ న‌టిస్తోంది. ఎంఎం కీర‌వాణి మ్యూజిక్ అందిస్తున్నాడు. భారీ బ‌డ్జెట్‌తో ఏఎం ర‌త్నం ఈ సినిమాను నిర్మిస్తున్నారు. కొన్ని ద‌శాబ్దాల వెనుక రాబిన్ హుడ్ మాదిరిగా వ‌జ్రాల‌ను దొంగ‌లించి పేద‌వారిని ఆదుకున్న ఒక వ‌జ్ర‌పు దొంగ పాత్ర‌లో ప‌వ‌న్ క‌ళ్యాణ్ క‌నిపిస్తార‌నేది మాత్రం ఖాయంగా తెలుస్తోంది. ప‌వ‌న్ గెట‌ప్ కూడా కొత్త‌గా ఉండ‌నుంది.

సంబంధిత వార్తలు రచయిత నుండి మరిన్ని