ఆరోగ్యం & లైఫ్ స్టైల్ (Health & Lifestyle) వార్తలు (News)

దేశంలో 100శాతం మందికి టీకా పంపిణీ జరిగిన తొలి నగరం!!

ఒడిశా రాజధాని భువనేశ్వర్‌ కరోనా టీకా పంపిణీలో 100శాతం లక్ష్యాన్ని చేరుకొని అరుదైన రికార్డు సాధించింది. నగరంలో 18ఏళ్లు పైబడిన, అర్హులైన అందరికీ వ్యాక్సిన్‌ రెండో డోసులను అందించినట్లు, దేశంలో ఈ ఘనత సాధించిన తొలి నగరం ఇదేనని మున్సిపల్‌ కార్పొరేషన్‌ డిప్యూటీ కమిషనర్‌ అన్షుమన్‌ రథ్‌ తెలిపారు.

భువనేశ్వర్‌లో 18ఏళ్ల వయసు పైబడిన వారు దాదాపు 9లక్షల మంది ఉంటే ఇప్పటి వరకు 18.16లక్షల మందికి టీకా డోసులు అందించినట్లు అన్షుమన్‌ చెప్పారు. నగరంలో అర్హులైన 100శాతం మందికి వ్యాక్సిన్‌ వేసినట్లు తెలిపారు. వారితో పాటు కొంతమంది వలస కూలీలు, ఇతర ప్రాంతాల నుంచి వచ్చిన వారికి కూడా ఇక్కడ టీకాలు ఇచ్చినట్లు, నగరంలో 31వేల మంది ఆరోగ్య కార్యకర్తలు, 33వేల మంది ఫ్రంట్‌లైన్‌ వర్కర్లు, 5.17లక్షల మంది 18 – 44 ఏళ్ల మధ్య వయస్కులు, 45ఏళ్లు పైబడిన 3.25లక్షల మందికి రెండు డోసుల వ్యాక్సిన్‌ అందించినట్లు పేర్కొన్నారు. నగర వ్యాప్తంగా 55 వ్యాక్సిన్‌ కేంద్రాలను ఏర్పాటు చేసి ప్రజల సహకారంతో లక్ష్యాన్ని వేగవంతంగా పూర్తిచేసినట్లు తెలిపారు.

close

Don’t miss the Latest News

We don’t spam! Read our privacy policy for more info.

  •  
    1
    Share
  • 1
  •  
  •  
  •  
  •