తెలంగాణలోని ఆదిలాబాద్ జిల్లా ఉట్నూరు మండలం లక్కారం పరిధిలోని కేబీ నగర్‌లో మహిళపై గుర్తుతెలియని వ్యక్తి యాసిడ్ దాడికి పాల్పడి అక్కడి నుంచి పరారయ్యాడు. మహిళపై యాసిడ్‌ పోసిన వెంటనే దుండగుడు అక్కడి నుంచి పారిపోయినట్టుగా స్థానికులు తెలిపారు. యాసిడ్ దాడి జరిగిన వెంటనే బాధిత మహిళను స్థానికులు ఆస్పత్రికి తరలించారు. ప్రస్తుతం బాధిత మహిళ ఉట్నూరు ప్రభుత్వ ఆస్పత్రిలో చికిత్స పొందుతుంది. ఈ ఘటనపై సమాచారం అందుకున్న పోలీసులు కేసు నమోదు చేసుకుని దర్యాప్తు చేపట్టారు. నిందితుడిని పట్టుకునేందుకు గాలింపు చేపట్టారు. ఇంకా బాధిత మహిళపై యాసిడ్ దాడికి సంబంధించిన పూర్తి వివరాలు తెలియాల్సి ఉంది.