వాషింగ్టన్‌ సుందర్‌(96*; 174 బంతుల్లో 10×4, 1×6), అక్షర్ పటేల్‌(43; 97 బంతుల్లో 5×4, 1×6) చేయడం వల్ల టీమ్‌ఇండియా నాలుగో టెస్టు తొలి ఇన్నింగ్స్‌లో 365 పరుగుల భారీ స్కోర్‌ సాధించింది. చివర్లో అక్షర్, ఇషాంత్‌, మహ్మద్ సిరాజ్‌ వరుసగా ఔటవ్వడం కారణంగా సుందర్‌ కొంచంలో తొలి టెస్టు శతకాన్ని కోల్పోయాడు. 294/7 ఓవర్‌నైట్‌ స్కోర్‌తో అక్షర్ మూడో రోజున బ్యాటింగ్‌ ఆరంభించి, వాషింగ్టన్‌ ఇంగ్లాండ్‌ బౌలర్లపై సంపూర్ణ ఆధిపత్యం పొందారు. ఇద్దరూ స్వేచ్ఛగా షాట్లు ఆడుతూ శతక భాగస్వామ్యం జోడించిన క్రమంలోనే టీమ్‌ఇండియా ఆధిక్యాన్ని 160 పరుగులకు చేరవేశారు.
అయితే, రూట్‌ వేసిన 113వ ఓవర్‌ చివరి బంతికి వాషింగ్టన్‌ ఆడిన షాట్‌కు నాన్‌స్ట్రైకర్‌ ఎండ్‌లో ఉన్న అక్షర్ క్రీజు వదిలి ముందుకు వెళ్తే బెయిర్‌స్టో వెంటనే స్పందించి బంతిని అందుకొని త్రో విసరడంతో అక్షర్ క్రీజులోకి చేరకముందే రూట్‌ బెయిల్స్‌ను ఎగర వేయడంతో టీమ్‌ఇండియా 365 పరుగుల వద్ద ఎనిమిదో వికెట్‌ను కోల్పోగా, తర్వాతి ఓవర్‌లో స్టోక్స్‌ చివరి ఇద్దరి బ్యాట్స్‌మెన్‌ ఇషాంత్‌, సిరాజ్‌లను పెవిలియన్‌ చేర్చడంతో భారత్ తొలి ఇన్నింగ్స్‌కు తెరపడగా, శుక్రవారం పంత్‌(101; 118 బంతుల్లో 13×4, 2×6) అద్భుత శతకం సాధించారు. అంతకుముందు ఇంగ్లాండ్‌ తొలి ఇన్నింగ్స్‌లో 205 పరుగులకు అల్ అవుట్ అయింది.
