వార్తలు (News)

విశాఖలో మంత్రి వెల్లంపల్లి పీఏకు తీవ్ర గాయాలు!!

విశాఖ జిల్లాలో రాష్ట్ర దేవాదాయ శాఖ మంత్రి వెల్లంపల్లి శ్రీనివాస్ వ్యక్తిగత సహాయకుడు(పీఏ) కారులో కుటుంబంతో కలిసి ప్రయాణిస్తుండగా ప్రమాదానికి గురయినట్లు తెలుస్తోంది. విశాఖ జిల్లా తగరపు వలస వద్ద మంత్రి పీఏతో పాటు కుటుంబం ప్రయాణిస్తున్న కారు ప్రమాదానికి గురయ్యింది. ప్రమాదం జరిగిన వెంటనే తీవ్రంగా గాయపడిన వారిని విశాఖపట్నంలోని ఓ ప్రైవేట్ హాస్పిటల్ కు తరలించారు.

విషయం తెలుసుకున్న వెంటనే పీఏతో పాటు కుటుంబ సభ్యులను ఫోన్ ద్వారా పరామర్శించి మంత్రి వెల్లంపల్లికి మెరుగైన వైద్యం అందించాలని వైద్యులను కోరారు. ప్రమాదంపై సమాచారం అందుకున్న పోలీసులు ఘటనా స్థలాన్ని పరిశీలించారు. అప్పటికే క్షతగాత్రులను హాస్పిటల్ కు తరలించడంతో ధ్వంసమైన వాహనాన్ని పరిశీలించారు. ప్రమాదానికి గల కారణాలు తెలుసుకునే ప్రయత్నం చేస్తున్నారు. ఈ ప్రమాదానికి సంబంధించిన పూర్తి వివరాలు తెలియాల్సి వుంది.

close

Don’t miss the Latest News

We don’t spam! Read our privacy policy for more info.

  •  
    2
    Shares
  • 2
  •  
  •  
  •  
  •