కరోనా ట్రాన్స్ మిషన్ ను కట్టడి చేసేలా కొత్త ప్రయోగాత్మక చూయింగ్ గమ్‌ని అభివృద్ధి చేస్తున్నారు పెన్సిల్వేనియా వర్సిటీ శాస్త్రజ్ఞులు. చూయింగ్ గమ్‌ను మొక్కల నుంచి అభివృద్ధి చేసి కరోనావైరస్ పై ప్రయోగించగా, వైరస్ ప్రభావాన్ని తగ్గిస్తుందని గుర్తించారు. మాలిక్యులర్ థెరపీ జర్నల్‌లో ఈ అధ్యయనం ప్రచురితమయింది. చూయింగ్ గమ్ ద్వారా లాలాజలంలో వైరస్ మొత్తాన్ని పరిమితం చేసేలా చేయవచ్చని శాస్త్రవేత్తలు చెబుతున్నారు.

కరోనా సోకినవారి లాలాజలంలో ఉండే వైరల్‌ లోడ్‌ను తగ్గించే ఏసీఈ2 పొట్రీన్‌తో ఈ చూయింగ్ గమ్ తయారుచేస్తున్నారు. ట్రయల్స్‌ కూడా విజయవంతమైతే ఈ చూయింగ్‌ గమ్స్‌ అందుబాటులోకి వస్తాయి. అమెరికా పరిశోధకులు తాము ప్రత్యేకంగా రూపొందించిన చూయింగ్ గమ్ కరోనా రోగి నోటిలోని వైరస్ మొత్తాన్ని తగ్గించగలదని చెబుతున్నారు. ఇది ఎప్పటికి పూర్తి అవుతుందో ఎంత వరకు సత్ఫలితాలు ఇస్తుందో వేచి చూడాలి! శాస్త్ర సాంకేతిక అభివృద్ధి కి ఇది ఒక సంకేతం గా భావించవచ్చు!!