జాతీయం (National) టాప్ స్టోరీస్ (Top Stories) వార్తలు (News)

ఔటర్ రింగ్ రోడ్డు పరిథిలో 13 చోట్ల మినీ పట్టణాల నిర్మాణం!!

హైదరాబాద్‌ ఔటర్‌ రింగు రోడ్డు చుట్టూ మినీ పట్టణాల అభివృద్ధికి (రవాణా ఆధారిత అభివృద్ధి కేంద్రాల) అనుకూలమైన వాతావరణం ఏర్పడుతోంది. గ్రేటర్‌పై అన్ని విధాలుగా ఒత్తిడి పెరుగుతున్న నేపథ్యంలోనే సమాంతరంగా అభివృద్ధి కేంద్రాల నిర్మాణం అత్యవసరమని ప్రభుత్వం గుర్తించడంతో పనిచేసే చోటే నివాసం ఉండేలా అందుకు అవసరమైన మౌలిక వసతులను కల్పించడమే లక్ష్యంగా ప్రభుత్వం చర్యలు చేపట్టింది. ఇందులో భాగంగానే నగరంతో సంబంధం లేకుండా ట్రాన్సిట్‌ ఓరియంటెడ్‌ గ్రోత్‌ సెంటర్లుగా పిలిచే వీటి నిర్మాణానికి ప్రభుత్వం శ్రీకారం చుట్టింది.

158 కిలోమీటర్లు ఉన్న ఔటర్‌ రింగు రోడ్డు చుట్టూ మొత్తం 19 ఇంటర్‌ ఛేంజ్‌లు ఉండగా, అందులో 13 చోట్ల అన్ని వర్గాలకు అనువైన ప్రాంతాలను గుర్తించింది. ఆదిబట్ల, బొంగుళూరు, ఘట్‌కేసర్‌, గుండ్లపోచంపల్లి, కీసర, కోకాపేట, మేడ్చల్‌, పటాన్‌చెరు, పెద్ద అంబర్‌పేట, శామీర్‌పేట, తెల్లాపూర్‌, తుక్కుగూడ, తిమ్మాపూర్‌ల వద్ద ఈ రవాణా ఆధారిత అభివృద్ధి కేంద్రాలను ఏర్పాటు చేస్తున్నారు. నగరంపై ఒత్తిడి తగ్గడంతో పాటు స్థానికంగా ఉండే వారికి స్వయం ఉపాధి, భవిష్యత్‌లో పెరిగే జనాభా దృష్ట్యా ఉద్యోగం, నివాసాలకు దోహదపడే అవకాశం ఉంటుందని భావిస్తున్నారు.

close

Don’t miss the Latest News

We don’t spam! Read our privacy policy for more info.

  •  
  •  
  •  
  •  
  •  
  •