మోదీ సర్కార్ కీలక నిర్ణయం తీసుకుంది. వాహనాల రిజిస్ట్రేషన్‌కు సంబంధించి కీలక మార్పులు చేయబోతోంది. కేంద్ర రోడ్డు రవాణా మంత్రిత్వా శాఖ ఈ అంశానికి సంబంధించి ఒక డ్రాఫ్ట్ నోటిఫికేషన్ కూడా విడుదల చేసింది. దీని వల్ల ప్రభుత్వానికి చెందిన పాత వెహికల్స్‌ రిజిస్ట్రేషన్ నిలిచిపోనుంది.
15 ఏళ్లకు పైగా ఉపయోగిస్తున్న వెహికల్స్ రిజిస్ట్రషన్ ఇక ఉండదు. 2022 ఏప్రిల్ 1 నుంచి ఈ రూల్ అమలులోకి వస్తుంది. దీంతో రాష్ట్ర ప్రభుత్వాలకు చెందిన బస్సుల రిజిస్ట్రేషన్ కూడా ఆగిపోతుంది. 15 ఏళ్లు దాటిన వెహిలక్స్ ఇక రోడ్డుపై కనిపించవు.

కేంద్ర ప్రభుత్వం ఈ కొత్త రూల్‌కు సంబంధించి ప్రజల అభిప్రాయాలు కోరుతోంది. 30 రోజుల వరకు ప్రజలు, పరిశ్రమ సంబంధిత వర్గాలు ప్రభుత్వపు కొత్త రూల్‌పై వారి సలహాలు, సూచనలు అందించొచ్చు. తర్వాత మోదీ సర్కార్ కొత్త రూల్స్‌ను అమలులోకి తీసుకువస్తుంది.

ప్రభుత్వాలకు చెందిన అన్ని వెహికల్స్‌కు 15 ఏళ్ల నిబంధన వర్తిస్తుంది. 15 ఏళ్లు దాటిన తర్వాత వాహనాల రిజిస్ట్రేషన్ రెన్యూవల్ ఉండదని స్పష్టం చేసింది. 2022 ఏప్రిల్ 1 నుంచి ఈ రూల్ అమలులోకి వస్తుందని గమనించాలి. కాగా పాత వెహికల్స్‌ను సీఎన్‌జీ రూపంలోకి మార్చుకుంటే ప్రస్తుతం తిరిగేందుకు అనుమతులు లభిస్తున్నాయి.