దేశంలో ఒకవైపు కరోనా కేసుల సంఖ్య విపరీతంగా పెరుగుతున్న నేపథ్యంలో ఉత్తరప్రదేశ్‌లోని ప్రయాగ్‌రాజ్‌లో మాఘమేళా నిర్వహించబడుతోంది. ఈ విశ్వాస ఉత్సవం కరోనా సూపర్ స్ప్రెడర్ గా మారవచ్చునని అభిప్రాయం వ్యక్తం చేస్తున్నారు. శుక్రవారం, మకర సంక్రాంతి సందర్భంగా లక్షలాది మంది స్నానాలు చేస్తారు.

అయితే కరోనా విశ్వరూపం ప్రదర్శిస్తోన్న వేళ జాతరలో కరోనా విజృంభించే అవకాశం ఉందని జాతరను రద్దు చేయాలని అక్కడి ప్రజలు నిరంతరం విజ్ఞప్తి చేస్తున్నారు. ఈ జాతర ప్రయాగ్‌రాజ్‌లో జరుగుతోండగా.. ఇలాంటి పరిస్థితుల్లో మహమ్మారి కాలంలో ఈ జాతర ఎందుకు అన్నది ప్రశ్న. 47 రోజుల పాటు జరిగే ఈ కార్యక్రమంలో లక్షలాది మంది భక్తులు గంగానదిలో స్నానం చేస్తారు.

లక్షల మంది జనం రావడంతో సన్నాహాలు కూడా భారీగా జరిగాయి. కరోనా మహమ్మారి మూడవ వేవ్ కారణంగా ఈ ఉత్సవంపై ప్రశ్నలు తలెత్తుతున్నాయి. మాఘమేళాలో ఇప్పటివరకు 51 మందికి కరోనా పాజిటివ్‌ వచ్చినట్లుగా గుర్తించారు. మొత్తం ప్రయాగ్‌రాజ్ జిల్లాలో 379 మంది రిపోర్ట్ పాజిటివ్‌గా వచ్చింది. కరోనా విశ్వరూపం తర్వాత కూడా మాఘమేళా పరిస్థితి మారలేదు. ప్రభుత్వమే కరోనా విపరీతంగా ఉందని చెబుతున్నా కూడా నిర్లక్ష్యంగానే వ్యవహరిస్తున్నారు.

పౌష్ పూర్ణిమ సోమవారం అంటే జనవరి 17వ తేదీ నుంచి ప్రారంభం అవుతుంది. లక్ష మందికి పైగా సాధువులు, మహాత్ములు కల్పవాసాలు చేస్తారు. మాఘమేళాను ఘనంగా నిర్వహించేందుకు ప్రభుత్వం సన్నాహాలు చేస్తూనే ఉంది. ఎక్కువ మంది సాధువులు కనీసం మాస్క్ కూడా లేకుండా కనిపిస్తున్నారు. ఈ క్రమంలోనే మాఘమేళాపై సర్వత్రా ఆందోళనలు వ్యక్తం అవుతున్నాయి.

మహమ్మారి విజృంభిస్తున్న సమయంలో మాఘమేళా ఎందుకు? ప్రాణం కంటే మాఘమేళా ముఖ్యమా? జాతర కరోనా విశ్వరూపానికి కారణం కాదా? అనే ప్రశ్నలు వ్యక్తం అవుతూనే ఉన్నాయి. ఇటువంటి పరిస్థితిలో జాతరను నిలిపివేయాలని హైకోర్టులో పిటిషన్ దాఖలైంది. అయితే వెంటనే విచారణకు హైకోర్టు నిరాకరించింది. ఈ అంశాన్ని హైకోర్టు సాధారణ కేసుగా విచారించబోతుంది. దీనిపై సోమవారం విచారణ జరిగే అవకాశం ఉంది.