వార్తలు (News)

తెలంగాణలో కరోనా కలకలం.. మళ్లీ పెరుగుతున్న కేసులు

తెలంగాణలో కరోనా కేసులు పెరుగుతూ వస్తున్నాయి. రాష్ట్రంలో కొత్తగా 157 పాజిటివ్‌ కేసులు నమోదయ్యాయి. దీంతో మొత్తం ఇప్పటి వరకు నమోదైన కేసుల సంఖ్య 2,97,435కి చేరింది. రాష్ట్రంలో నిన్న కరోనాతో ఎవరూ మరణించలేదు. కరోనా బారి నుంచి నిన్న 157 మంది కోలుకున్నారు. రాష్ట్రంలో ప్రస్తుతం 1,715 యాక్టివ్‌ కేసులు ఉన్నాయని, వారిలో 649 మంది హోం ఐసోలేషన్‌లో చికిత్స పొందుతున్నారని వైద్య ఆరోగ్యశాఖ తెలిపింది. కరోనా వ్యాప్తి పూర్తిగా తగ్గుముఖం పట్టగా, తాజాగా ఒక్కసారిగా పెరగడం ఆందోళనకు గురి చేస్తోంది.

కరోనా టెన్షన్ లేదు అని రిలాక్స్ అవుతున్న జనం మరోసారి తాజాగా నమోదైన కేసులతో భయాందోళనకు గురవువుతున్నారు. కరీంనగర్‌ జిల్లాలోని చేగుర్తి గ్రామంలో రెండు రోజుల్లో 33 కరోనా కేసులు నిర్దారణ కావడం కలకలం రేపుతోంది. ఓ వ్యక్తి అంత్యక్రియలతో కరోనా కలకలం మళ్లీ చెలరేగింది. దీంతో గ్రామంలో రెండు రోజుల పాటు శిబిరం ఏర్పాటు చేసి గ్రామస్థులకు కరోనా పరీక్షలు చేశారు. మొదటి రోజు 16 కేసులు రాగా, రెండో రోజు శుక్రవారం 17 మందికి పాజిటివ్‌ నిర్దారణ అయినట్లు వైద్యాధికారులు తెలిపారు.

close

Don’t miss the Latest News

We don’t spam! Read our privacy policy for more info.