రైతులకు తీపికబురు అందబోతోంది. కేంద్ర ప్రభుత్వం 8వ విడత కింద మరో రూ.2 వేలను అన్నదాతల బ్యాంక్ ఖాతాల్లో జమ చేయడానికి రెడీ అవుతున్నట్లు నివేదికలు వెలువడుతున్నాయి.

కేంద్ర ప్రభుత్వం రైతుల కోసం పీఎం కిసాన్ సమ్మాన్ నిధి స్కీమ్ తీసుకువచ్చింది. ఈ పథకం కింద అర్హులైన రైతులకు ప్రతి ఏడాది రూ.6,000 లభిస్తాయి. అయితే ఈ డబ్బులు ఒకేసారి కాకుండా విడతల వారీగా బ్యాంక్ ఖాతాల్లోకి వస్తాయి. రైతులకు సంవత్సరానికి మూడు విడతల్లో రూ.2 వేలు అందుతాయి.

మోదీ సర్కార్ ఇప్పటికే 7 విడతల డబ్బులను రైతుల బ్యాంక్ ఖాతాల్లో జమ చేసింది. ఇప్పుడు 8వ విడత డబ్బులు అందించేందుకు రెడీ అవుతోంది. మార్చి నెలలో ఈ డబ్బులు రైతుల బ్యాంక్ ఖాతాల్లోకి చేరొచ్చని తెలుస్తోంది. నివేదికలు ఈ విషయాన్ని వెల్లడిస్తున్నాయి.

అయితే బెనిఫీసియరీ లిస్ట్‌లో మీ పేరు ఉందో లేదో ఒకసారి చెక్ చేసుకోవాలి. లిస్ట్‌లో పేరు లేకపోతే డబ్బులు రావు. ఉంటేనే డబ్బులు వస్తాయి. దీని కోసం మీరు పీఎం కిసాన్ వెబ్‌సైట్‌కు వెళ్లాలి. మీకు ఫార్మర్స్ కార్నర్ అనే ఆప్షన్ కనిపిస్తుంది. దీనిపై క్లిక్ చేసి బెనిఫీషియరీ లిస్ట్ ఆప్షన్ ఎంచుకోవాలి.

ఇప్పుడు మీ రాష్ట్రం, జిల్లా, ఊరు పేరు ఎంటర్ చేసి మీ పేరు లిస్ట్‌లో ఉందో లేదో చెక్ చేసుకోవచ్చు. ఇంకా మీరు పీఎం కిసాన్ స్కీమ్‌లో చేరి ఉండకపోతే.. ఇప్పుడు కూడా ఆన్‌లైన్‌లోనే ఈ పథకంలో చేరొచ్చు. దీని కోసం మీ బ్యాంక్ అకౌంట్, పొలం పాస్‌బుక్, ఆధార్ కార్డు ఉంటే సరిపోతుంది.