ఆరోగ్యం & లైఫ్ స్టైల్ (Health & Lifestyle) జాతీయం (National) వార్తలు (News)

త్వరలోనే చిన్నారులకు అందుబాటులో రానున్న వాక్సిన్లు!!

థర్డ్ వేవ్ ప్రమాదం అంచనాల నేపథ్యంలో చిన్నారులకు త్వరలోనే వ్యాక్సిన్లు అందుబాటులోకి వస్తాయని ప్రకటించింది. . దేశంలో నాలుగు వ్యాక్సిన్లు సిద్ధంగా ఉన్నాయని, వ్యాక్సిన్‌ ప్రీ క్లినికల్‌ దశలో ఉందని వెల్లడించింది. రాజ్యసభలో అడిగిన ప్రశ్నకు లిఖితపూర్వక సమాధానంగా విజ్ఞాన, సాంకేతిక మంత్రి జితేంద్ర సింగ్ చెప్పారు. కోవిడ్ -19 వ్యాక్సిన్ల పరిశోధన, అభివృద్ధి నిమిత్తం కేంద్రం ప్రకటించిన మూడో ఉద్దీపన ప్యాకేజీ ‘ఆత్మనీర్భర్‌ భారత్ 3.0’లో భాగంగా ‘మిషన్ కోవిడ్ సురక్ష-ఇండియన్ కోవిడ్-19 వ్యాక్సిన్ డెవలప్మెంట్ మిషన్’ ప్రకటించారు.

బయోలాజికల్ ఈ లిమిటెడ్ టీకా కూడా మూడో దశ క్లినికల్ ట్రయల్స్‌లో ఉన్నట్టు, ముక్కులో వేసే భారత్ బయోటెక్ టీకా కూడా మూడో దశ క్లినికల్ ట్రయల్స్‌లో ఉందన్నారు. జెన్నోవా బయో ఫార్మాస్యూటికల్స్ లిమిటెడ్‌కు చెందిన ఎంఆర్‌ఎన్‌ఏ టీకా ట్రయల్స్‌ మొదటి దశలో ఉన్నాయన్నారు. గుర్గావ్‌కు చెందిన జెనిక్ లైఫ్ సైన్సెస్ టీకా అడ్వాన్స్‌డ్‌ ప్రీ-క్లినికల్ దశలో ఉన్నాయని సింగ్ తెలిపారు. ప్రస్తుతం సీరం ఉత్పత్తి చేస్తున్న కోవీషీల్డ్‌, భారత్ బయోటెక్‌కు చెందిన కోవాక్సిన్, రష్యన్ వ్యాక్సిన్ స్పుత్నిక్-వీ వ్యాక్సిన్లు దేశంలో పంపిణీకి అందుబాటులో ఉన్న సంగతి తెలిసిందే. థర్డ్ వేవ్ పిల్లలపై ఎక్కువ ప్రభావం చూపుతుందనే హెచ్చరికల నేపథ్యంలో, ముక్కులో వేసే భారత్ బయోటెక్ టీకాతో చిన్నారులపై ముప్పు తగ్గవచ్చని, తొందరగా పంపిణీ చేస్తే మేలని పిల్లల తల్లిదండ్రులు కోరుకుంటున్నారు.

close

Don’t miss the Latest News

We don’t spam! Read our privacy policy for more info.

  •  
    1
    Share
  • 1
  •  
  •  
  •  
  •