రుణ గ్రహీతలకు శుభవార్త. ప్రైవేట్ రంగానికి చెందిన ప్రముఖ బ్యాంక్ ఇండస్ఇండ్ బ్యాంక్ కీలక నిర్ణయం తీసుకుంది. కస్టమర్లకు శుభవార్త అందించింది. బ్యాంక్ తాజాగా మార్జినల్ కాస్ట్ ఆఫ్ లెండింగ్ రేటు MCLR తగ్గిస్తూ నిర్ణయం తీసుకుంది. దీంతో రుణ గ్రహీతలకు బెనిఫిట్ కలుగనుంది.

ఇండస్ఇండ్ బ్యాంక్ ఎంసీఎల్ఆర్ రేటులో 0.05 శాతం కోత విధించింది. దీంతో ఎంసీఎల్ఆర్ ఏడాది రేటు 8.6 శాతానికి దిగొచ్చింది. ఇదివరకు ఈ రేటు 8.65 శాతంగా ఉండేది. ఈ కొత్త రేటు ఫిబ్రవరి 22 నుంచే అమలులోకి వచ్చింది. ఎంసీఎల్ఆర్ తగ్గింపుతో బ్యాంక్ రుణ గ్రహీతలకు ఊరట కలుగుతుంది.
ఎంసీఎల్ఆర్ తగ్గింపుతో ఇండస్ఇండ్ బ్యాంక్ నుంచి తీసుకున్న హోమ్ లోన్స్, పర్సనల్ లోన్స్, ఇతర రుణాలపై రుణ రేట్లు దిగిరానున్నాయి. అలాగే లోన్ ఈఎంఐ చెల్లించే వారికి కూడా ప్రయోజనం కలుగొచ్చు. ఈఎంఐ భారం దిగిరావొచ్చు. రేట్ల తగ్గింపుతో ఒక రోజు ఎంసీఎల్ఆర్ 8.25 శాతానికి, నెల రోజుల ఎంసీఎల్ఆర్ 8.3 శాతానికి, 3 నెలల ఎంసీఎల్ఆర్ 8.35 శాతానికి తగ్గింది.

అదేసమయంలో ఆరు నెలల ఎంసీఎల్ఆర్ 8.5 శాతానికి క్షీణించింది. ఏడాది ఎంసీఎల్ఆర్ 8.6 శాతానికి, మూడేళ్ల ఎంసీఎల్ఆర్ 8.95 శాతానికి దిగొచ్చింది. కాగా బ్యాంకులు రుణాలకు ఏడాది ఎంసీఎల్ఆర్‌ను ప్రాతిపదికగా తీసుకుంటారు. దీనికి ప్రీమియం, ఇతర చార్జీలను కలుపుకొని లోన్స్‌పై రుణ రేట్లను నిర్ణయిస్తాయి.