టెన్త్ అర్హతతో ICAR లో 641 ఉద్యోగాల నోటిఫికేషన్!!

ఇండియన్ కౌన్సిల్ ఆఫ్ అగ్రికల్చరల్ రీసెర్చ్‌కు చెందిన ఇండియన్ అగ్రికల్చరల్ రీసెర్చ్ ఇన్‌స్టిట్యూట్ 641 టెక్నీషియన్ పోస్టుల్ని భర్తీ చేయడానికి నోటిఫికేషన్ విడుదల చేసింది. వీటిలో హైదరాబాద్‌లోని ఇన్‌స్టిట్యూట్స్‌లో 25 పోస్టులు ఉన్నాయి. ఈ పోస్టులకు 2021 డిసెంబర్ 18న దరఖాస్తు ప్రక్రియ ప్రారంభమైంది. అప్లై చేయడానికి 2022 జనవరి 10 చివరి తేదీగా నిర్ణయించారు. ఆసక్తి గల అభ్యర్థులు ఆన్‌లైన్‌లో దరఖాస్తు చేయాల్సి ఉంటుంది. ఈ పోస్టులకు దరఖాస్తు చేసేముందు నోటిఫికేషన్ పూర్తిగా చదివి అర్హతల గురించి, ఖాళీల వివరాలు, విద్యార్హతలు, దరఖాస్తు విధానం గురించి తెలుసుకోండి.

గుర్తుంచుకోవాల్సిన అంశాలు

2021 డిసెంబర్ 18 నుండి దరఖాస్తు ప్రారంభమై 2022 జనవరి 10 కి ముగుస్తుంది.
పరీక్ష తేదీ ని 2022 జనవరి 25 నుంచి ఫిబ్రవరి 5 గా నిర్ణయించారు. ఆసక్తి గల అభ్యర్థులు టెన్త్ పాస్ అయి ఉండాలి. వీరి వయస్సు 2022 జనవరి 10 నాటికి 18 ఏళ్ల నుంచి 30 ఏళ్లుగా ఉండాలి. ఎస్‌సీ, ఎస్‌టీ అభ్యర్థులకు 5 ఏళ్లు, ఓబీసీ అభ్యర్థులకు 3 ఏళ్లు వయస్సులో సడలింపు ఉంటుంది. అన్‌రిజర్వ్‌డ్, ఓబీసీ, ఈడబ్ల్యూఎస్ అభ్యర్థులు రూ.700 ఎగ్జామ్ ఫీజు, రూ.300 రిజిస్ట్రేషన్ ఫీజు చెల్లించాలి. మహిళలు, ఎస్‌సీ, ఎస్‌టీ అభ్యర్థులు రూ.300 రిజిస్ట్రేషన్ ఫీజు మాత్రమే చెల్లించాలి.
వేతనం- రూ.21,700 బేసిక్ వేతనంతో పాటు ఏడో పే కమిషన్ లెవెల్ 3 ఇండెక్స్ 1 అలవెన్సులు లభిస్తాయి.
ఎంపిక విధానం- ఆన్‌లైన్ ఎగ్జామ్
పరీక్షా విధానం- 100 ప్రశ్నలతో కంప్యూటర్ బేస్డ్ టెస్ట్ ఉంటుంది.

దరఖాస్తు విధానం : అభ్యర్థులు https://www.iari.res.in/ వెబ్‌సైట్‌లో రిక్రూట్‌మెంట్ సెక్షన్‌లో టెక్నీషియన్ నోటిఫికేషన్ పైన క్లిక్ చేయాలి. కొత్త పేజీ ఓపెన్ అవుతుంది. నియమనిబంధనలన్నీ చదివి PROCEED TO REGISTER పైన క్లిక్ చేయాలి. ఆ తర్వాత పోస్టు పేరు సెలెక్ట్ చేయాలి. అభ్యర్థి పేరు, మొబైల్ నెంబర్, ఇమెయిల్ ఐడీతో రిజిస్ట్రేషన్ చేయాలి. ఆ తర్వాత లాగిన్ ఐడీ, పాస్‌వర్డ్‌తో లాగిన్ కావాలి. విద్యార్హతలు, ఇతర వివరాలన్నీ ఎంటర్ చేయాలి. ఫోటో, సంతకం, ఇతర డాక్యుమెంట్స్ అప్‌లోడ్ చేయాలి. దరఖాస్తు ఫీజు చెల్లించి అప్లికేషన్ ఫామ్ సబ్మిట్ చేయాలి. అప్లికేషన్ ఫామ్ డౌన్‌లోడ్ చేసి భద్రపర్చుకోవాలి.