అంతర్జాతీయం (International) వార్తలు (News)

సమాజంలోని అన్ని దుర్మార్గాలకు సహ-విద్య విధానమే మూలం!!

ఆఫ్ఘనిస్తాన్‌ను ఆక్రమించుకున్న రోజు శాంతి పాఠం వల్లించిన తాలిబన్లు చెప్పిన నాలుగు రోజులకే అసలు రంగును బయటపెడుతున్నారు. దేశాన్ని తమ చెప్పు చేతల్లోకి తీసుకుని తాము చెప్పినట్లు నడుచుకోవాలంటూ అరాచక పాలనకు తెరతీస్తున్నారు. తాజాగా యూనివర్శిటీ ప్రొఫెసర్లు, ప్రైవేట్ విద్యా సంస్థల యజమానులతో సమావేశమైన తాలిబాన్ ప్రతినిధి మూడు గంటల సమావేశంలో కో ఎడ్యుకేషన్ విద్యా విధానాన్ని ముగించాలని చెప్పారు.

ఆఫ్ఘనిస్తాన్‌లో మహిళల హక్కులను గౌరవిస్తామని ప్రతిజ్ఞ చేసిన కొన్ని రోజుల తర్వాత, హెరాత్ ప్రావిన్స్‌లో తాలిబాన్ అధికారులు ప్రభుత్వ మరియు ప్రైవేట్ విశ్వవిద్యాలయాలలో సహ-విద్యను నిషేధించారు. ఈ విధమైన చదువులే ‘సమాజంలోని అన్ని దుర్మార్గాలకు మూలం’ అని వర్ణించారు.

ఆఫ్ఘనిస్తాన్‌ని స్వాధీనం చేసుకున్న తర్వాత తాలిబాన్ జారీ చేసిన మొదటి ‘ఫత్వా’ ఇది. మహిళా లెక్చరర్లు కేవలం విద్యార్థినులకు మాత్రమే బోధించడానికి అనుమతించబడతారని, అబ్బాయిలకు బోధించరని ఆయన అన్నారు. గత రెండు దశాబ్దాలలో, ఆఫ్ఘనిస్తాన్ అన్ని విశ్వవిద్యాలయాలు, ఇనిస్టిట్యూట్లలో సహ-విద్య వ్యవస్థ అమలులో ఉంది. విద్యావేత్తలు తీసుకున్న ఈ నిర్ణయం వల్ల ప్రభుత్వ విశ్వవిద్యాలయాలు ప్రభావితం కావు. అయితే ప్రైవేట్ ఇనిస్టిట్యూట్‌లలో ఇప్పటికే తక్కువ సంఖ్యలో విద్యార్థినులు ఉన్నారని ఈ విధానం మరిన్ని ఇబ్బందులు ఎదుర్కోవాల్సి వస్తుందని ఆందోళన చెందుతున్నారు. అధికారిక అంచనాల ప్రకారం, హెరాత్‌లో ప్రైవేట్, ప్రభుత్వ విశ్వవిద్యాలయాలు, కళాశాలల్లో 40,000 మంది విద్యార్థులు, 2,000 లెక్చరర్లు ఉన్నట్టు సమాచారం!

close

Don’t miss the Latest News

We don’t spam! Read our privacy policy for more info.

  •  
    29
    Shares
  • 29
  •  
  •  
  •  
  •